قصيدة حسين حسين يا حسين مولى

قصيدة حسين حسين يا حسين مولى
للرادود باسم الكربلائي


حسين حسين يا حسين مولى
ركظة الطويريج من يمحيها والامام المهدي يحظر بيها
حسين حسين يا حسين مولى
ركظة طويريج توجها الفخر
للوفاء والتضحيه شبيها صور
ما يماثلها عزاء بكل الدهر
تنور حاضرها بشمس ماضيها
حسين حسين يا حسين مولى
منها صرخه ويا حسين ترتفع
صرخه حتى العرش منها ينفجع
مستحيل ها الركضه هاذي تمنع
الله يخذل كلمن يعاديها
حسين حسين يا حسين مولى
الها رايه ارتفعت بعلو النجوم
ما يهمنا الي يعارضنا ويلوم
يروي هذا الخبر عن بحر العلوم
المهدي بيها دمعته يجريها
حسين حسين يا حسين مولى
شافو المهدي يهل دمعت العين
واعلى راسه حيل يلطم بااليدين
مع الركظه يدخل لصحن الحسين
واعلى جده صرخته يعليها
حسين حسين يا حسين مولى
يذكر الصار والجرى بطف كربلاء
والمصيبه قباله تصبح ماثله
اهنا يتصور فرار العايله
ويذكر شلون العدى توليها
حسين حسين يا حسين مولى
بركظة طويريج يا جدي اجيت
طفت شباكك بحسرات وبشيت
مثل حنوك على العباس انحنيت
حين طاح وهامته مهشميها
حسين حسين يا حسين مولى
قعدت عد راسك ارادف حسرتي
سهم شبدك شن اهيسه بشبدتي
قمت اتصور لزينب عمتي
من عقب عيناك يا واليها
حسين حسين يا حسين مولى
شلون من نوحي عليك اهجع وهيد
وانت يا جداه محزوز الوريد
ويمك وليدك علي الاكبر شهيد
بالمواضي جثته مخذنيها
حسين حسين يا حسين مولى
اه يا سلوة الزهره الطاهره
موقفك يا جدي شنه اصوره
شفت طفلك حين قطعو منحره
نبله شانت باالسم مخلينها
حسين حسين يا حسين مولى
للخيم جبته وتكفكف دمعتك
عمتي زينب بلوعه تلقتك
وين عبد الله بدمعها نشدتك
ظنتك سالم ترجع ليها
حسين حسين يا حسين مولى
اه يا جدي شفت باالطف محن
للبواشي دموعك عليهن نصبن
من شفت جاسم الشاب للحسن
كفوفه من فيض الدما محنيها
حسين حسين يا حسين مولى
نهار عاشر ما جرى مثله نهار
شفت بيها تذبحت كل الانصار
والخيم يا جدي تتلاهب با نار
وانت ما تقدر تجي اطفيها
حسين حسين يا حسين مولى
اذكرك باالمصرع ادير النظر
عاالخيم نوبه ونوبه عاالنهر
تريد تنخي شنك حزام الظهر
عاالشريعه كفوفه مقطعينها
حسين حسين يا حسين مولى
جيتك انا اليوم هاذي طلبتي
بجاهك الباري يعجل طلعتي
راية العباس تصبح رايتي
كون كل العادتك افنيها
حسين حسين يا حسين مولى

مشكورين على القصيدة الجميلة